الموضوع كلش اخذ اكبر من حجمه وتقريبا اغلب الصفحات نشرت الخبر بمجرد انه كم شخص التقط صوره ولفق كلام من عنده ورسله بالرسائل لاحدى الصفحات وانتشر بدون محد يتاكد من اي طالب من جامعة واسط الي عددهم الاف يدرسون بالجامعة ومن مختلف المراحل والاختصاصات .

الموضوع كلش اخذ اكبر من حجمه وتقريبا اغلب الصفحات نشرت الخبر بمجرد انه كم شخص التقط صوره ولفق كلام من عنده ورسله بالرسائل لاحدى الصفحات وانتشر بدون محد يتاكد من اي طالب من جامعة واسط الي عددهم الاف يدرسون بالجامعة ومن مختلف المراحل والاختصاصات .
المشكلة بالمتابعين يفرغون طاقتهم السلبية بدون من انه يتاكد من اي طالب بالجامعة .. يعني اذا ما عنده كرايب .. فصديق .. واذا ما عنده صديق فابعد شي يكون صديق الصديق .. وما تعب روحه واتصل او انه ينزل بوست (منشور) يستفسر من اصدقائه حول هذا الخبر واذا هالشي صح او لا .. او على الاقل يقرة كم تعليق منتشر بهاي الصفحات الي دتكول انه هالشي كذب بكذب .
ترة السوشال ميديا قوة الاعلام مالته اقوة من الميديا الموجودة بعشرات المرات .. فلازم تكون حذر بنقل الخبر ..
بالنسبة للشباب والشابات هواي من اهاليكم يصدكون بهيج اخبار لمن يشوفون هالشي .. راح يمنعوكم من هواي امور بحياتكم .. مراح تتاخر بالطلعه .. مراح تروح لفلان مكان لان خطر .. راح يظل بالهم عليكم لمن يشوفون خبر انفجار وهو كلاوات وخاصة لمن يتصلون بيكم وتلفونكم مغلق وهو خلصان شحن من ورة (3G) الي فاتحيه من الصبح .
هواي اهالي صار بيهم سكر وضغط وناموا مستشفيات من ورة اموركم الكاذبه الي دتنشر ..
اتمعن وفكر ولو نص دقيقه قبل متنشر ..
ترة اكو هواي حسابات وهمية وصفحات يديروهة احزاب علمود يسوون طائفية وفتنة وبلبلة وهمة ياخذون رواتب توصل الى الفين دولار ومكان عملهم بارقه المناطق ببغداد .
يسب عمر وعلي بس علمود يخلي البقية يتقاتلون ويطلعون طاقتهم السلبية الموجودة بداخل كل انسان .. شراح تستفاد لمن راح تدافع وتغلط على فلان طائفة ؟؟
راح تنام وانت مقهور وغيرك الي جاوبك هم ينام وهو مقهور والهضيمة بداخله .
راح تترقة بمنصبك ؟ راح يزداد فلوسك ؟ راح الدين ينتشر اكثر ؟ بس كلولي شراح تستفادون ..
كم واحد فقدت من اهلك .. اقربائك .. اصدقائك ؟

اصحوا شوية مو علمودكم .. لخاطر اهلكم ولخاطر اطفالكم وراح تعيشون بنفس الدائرة ترة !

#فكر_ثانية_تكسب_دقيقة
#فكر_دقيقة_تكسب_ساعة

#التقنية_من_أجل_السلام
#Tech4Peace
#T4P