الفيديو هذا من ٢٠١٣ دينشر ولحد الان على انه (تدريب الطيارين العراقيين على المقاتلات اف ١٦) وهذا رابط

الفيديو هذا من ٢٠١٣ دينشر ولحد الان على انه (تدريب الطيارين العراقيين على المقاتلات اف ١٦) وهذا رابط
https://youtu.be/jpJtPTbhvJk

نجي نحلل لقطات من الفيديو :
١. بالنسبة للطيار هو مو عراقي ... بل امريكي
الاثبات من خلال رتبته موضحة باول صورة وهي رتبة مقدم الي تصير شكلهة مثل الشجرة بلون السلفر بينما رتبة الطيار العراقي معروفة شنو هي
.. المصدر
https://www.army.mil/symbols/armyranks.html

٢. بالنسبة للطيارة الحربية راح تشوفون الصورة الثانية توضح انه بالفيديو على الجنح مكتوب (HL 087) التيل نمبر ٠٨٧ تابعة لولاية يوتا حيث التيل نمبرز مال الاسراب الفعالة وليست التدريبية .. المصدر
http://www.au.af.mil/au/awc/awcgate/af/tail_markings.pdf

٣. المكان هو قاعدة بلد بالصورة الثالثة راح توضح مقارنه بين صورة الـ (Hanger) من الفيديو وية الهنكر مال كوكل .
المصدر :
http://www.f-16.net/forum/viewtopic.php?t=11344

٤. نرجع للطيار .. صحيح شكله مبين عراقي .. بس اكو عند الامريكان صنف اسمهم (Hispanic) يشبهون ربعنا .

٥. خروج الامريكان كان نهاية سنة ٢٠١١ والكل يعرف هالشي .. ميحتاج رابط مصدر .. الي صار اول تدريب للطيارين العراقيين بسنة ٢٠١٢ باريزونا .. رابط المصدر
http://www.f-16.net/f-16-news-article4510.html

يعني الفيديو مختصر مفيد هو قديم وللامريكان ولمن جانوا بالعراق يعني قبل ميطلعون .. وعلى الارجح سنة ٢٠١٠ .

تحقيق (صفحة التقنية من اجل السلام)
#Tech4Peace
#T4P
#التقنية_من_أجل_السلام