منشور طائفي :

منشور طائفي :

ما اعرف منين ابدي .. بس اكتب بالبحث مال #الفيسبوك (نازح يستغيث بالقوات الامنيه طالباً الماء ثم يفجر نفسه بينهم)
وشوف النتائج مال بحث .. كل مرة بالمنشورات السابقة اوصل مرحلة ويخلص البحث ..
هالمرة اكثر من نص ساعة اتصفح بالمنشورات .. كلش كلش هواي منتشر هالفيديو ما عدا المواضيع والتعليقات الطائفية بامتياز .

والصفحات ما صدكت الفيديو .. راسا كوبي - بيست (نسخ - لصق) بدون ما محد يتاكد ..
===========
الحقيقة ان الفيديو لانفجار عبوة على الحشد الشعبي
رابط نفس الفيديو
https://youtu.be/hqRLVZAOMwM

رابط فيديو من زاوية ثانية (يرجى عدم المشاهدة لاحتوائه على مشاهد عنف) كما في الرابط
https://youtu.be/V9e0QBKlhZ8

فنصيحة : قبل ما تنقل الفيديو وتنشره تأكد لان اكو ناس متالمة وعادت الهم كل الذكريات لمن شافت هالفيديو ..
وانت بدورك (الصفحات والحسابات الطائفية) نقلت خبر علساس تسوي طائفية بس الحادثة بوكتهة جانوا ابطال الحشد يفككون العبوة بارض المعركة وانت كاعد تصادر جهودهم وبنفس الوكت تشوه سمعة النازحين (يعني اشتغلت على الطائفتين) .

#Tech4Peace
#T4P