ملاحظات للمتابعين :

ملاحظات للمتابعين :

بفترة بداية ساعة الصفر بالمعارك على الموصل .. هواي فيديوات كانت مو صحيحة ونشرناهة بالصفحة وكالوا علينه داعشيين .

وهسه دنكذب الصفحات المستغله وضع الزيارة .. وهسه ديكولون علينة صفويين عملاء ايرانيين
المهم ما عرفنه شنو تريدون بس نحب نوضح الكم .

كل كلمة دكولهة هي محتوى ما بداخلك ودتفرغه بالصفحة .
اي تجاوز لاي طرف مصيره البلوك .

متعجبك الصفحة ومحتواهة اكو Dislike او الغاء اعجاب .

الي ثاق ثقة عمياء وهسه بدة يشك ؟ احب اكولك راجع نفسك وشوف المصادر الموجودة واذا مس الي بداخلك وخطك الاحمر فراجع لاقرب طبيب نفسي لان العراق راح يبقة سيء بوجودك وفكرك السلبي .

واكيد الفريق يشكر الموجودين والمتابعين والي يصححون النه اخاف نخطيء (احنة بشر) والي يرسلون النه التحقيقات والي يراسلونة علمود نتحقق من المنشورات الي يريدونة نتحقق بيهة .
لا تنسون ترة اوضاع الصفحات طائفي بالدرجة الاولى فتكذيبنه لهيج امور بيهة نوع من الحساسية .
كل انسان واعي يشوف نفسه صح حتى لو اختلفت الاراء بس يبقة الاصح هو من يجيب اثبات لكلامه .
ملاحظة : كلما الصفحة تكبر فراح يزداد اعدائهة وخاصة اصحاب الصفحات .
وبالتاكيد بالمستقبل المواضيع اكثر حساسة ونحاول نعالجهة علمود نوكف القشمرة الي ديسووهة اهل الصفحات !

ولعلمكم احنه شغلنه تطوعي وكل شخص بينه ملتزم بشغل لو دراسة ودنفرغ نفسنة علمود نسوي شي بيه حظ على عكس الي الناس السلبيين الي كاعد ورة كيبورد ويتناطح بكل صفحة !

شكرا للمصمم الي راسل الصفحة .

مع تحيات فريق التقنية من اجل السلام .