كلنا سبب لـ ... !

كلنا سبب لـ ... !
فريق التقنية من أجل السلام ..
.
.

الفترة الجاية فترة صعبة على الفريق حتكون و مقبلين على انتخابات .. كالعادة راح تبدي الدعايات و التسقيطات السياسية .. راح يبدي الحجي يترس مواقع التواصل الأجتماعي .. و الصفحات اللي تسقط بفلان شخص او فلان فئة او فلان طائفة ..او حزب ..
.
.
راح نعيش منا لحد الأنتخابات مسلسلات, ابطال هذه المسلسلات و الأفلام هم مواقع التواصل الأجتماعي و من الممكن ان تكون شخصيات سياسية اللي مسؤولين عنها .. و قنوات النشر همة الناس اللي تصدك هذه الأخبار و البوستات و تشيرها و تسولفها للناس ..
.
.
خله نتذكر شوي ..و نرجع كم سنة ..
تذكرون الطائفية ؟
واللي صارت بـ 2006 و 2007 من احداث .. بدت بأشاعة و انتهت بدماء و جروح
راح بيها اكثر من55,000 شهيد..
منو جان سببها ؟
بسبب الصراعات السياسية و عاطفتنه و فطارتنة اللي خلتنه نصدك اخبار الكذب و الأشاعات و ننشرها .. و نتأثر بيها ..
راحت هل سنتين ..
اجت حرب داعش .. و نفس القصة ايضا.. بسبب السياسة اولا و الناس في مواقع التواصل الأجتماعي و الكذب و الأعلان الزائف اللي يتنشر ثانيا .. انزرع الخوف بينه و صار اللي صار ..
كل بيت عراقي عندة شهيد هسه .. كل بيت عراقي مجروح .. و جنه احنه احد الأسباب باللي صار .. اللي كمنه نصدك الأخبار و ننشرها بدون اي تفكيـر او نتأكد منها ..
.
.

كلنا ممكن ان نكون سبب لـ انتشار الأخبار الكاذبة اللي اكيد الها غاايات و اهداف ممكن تكون دولية و اقليمية و بالأخير سياسية ..
كلنا سبب لـ أنتشار الكراهية و الحقد و اللي ناتج عن اخبار كاذبة ..
خل نكون واعين .. نتعلم نبحث ..نفكر.. و نخلي عقلنه يحكم قبل عاطفتنه ..
اذا انتشرت الاشااعات مراح نعرف الصحيح من الكذب ..مراح نعرف منو ويانه و منو علينه ؟
.

الدكمة اللي اندوسها بالفيس بوك ممكن تكون سبب لخلق نزااعات ..و بطريقة اخرى انت يمكن دتساعد جهة مجهولة و تخدمها ان تحقق غايتها ...لأن الاشاعات و الكذب هي احدى الحروب النفسية الخطرة ..
.
.
.
احنه بوقت يحتاج كل شخص كون يتعلم من أخطائة .. و يراجع حساباته ..اذا متفكر انت تعيش بسلام ..فكر بأبنائك ..اكو جيل كامل وراك ..احتمال انت تكون سبب بدمارة ..

#Tech4Peace
#T4P