تحذير جداً مهم...

تحذير جداً مهم...

الكثير من الناس الي يستعلمون الفيسبوك رابطين رقمهم وية الحساب وهالشي كلش ضروري علمود في حالة تريد استعادة كلمة السر فتكون بكل سهولة الك عن طريق ارسال رسالة لرقم التلفون.

بس المشكلة شنو!

لمن تترك خطك وتصادره الشركة لان ما معبيله رصيد لفترة معينة التي تعتمد على نوع الشركة فهنا هي الكارثة، بس هالشي قانوني للشركات لان تركت خطك بدون استعمال.

لمن يتصادر خطك فراح ينباع مرة لخ لشخص جديد وبعقد جديد.

مثل ما صارت هسة باحد اعضاء الفريق لمن اشترة خط وطلع مسجل بأسم بنية وبكل سهولة الواحد يعيد كلمة السر برقم التلفون وبهالحالة الابتزاز يصير جدا سهل.

فيا اخوان وخوات الحذر بهذا الخصوص وحاولوا ان يكون خطكم شغال، وفي حالة تبديل الخط فلا تنسون تبدلون الخط ايضا بالحساب الخاص بيكم بفيسبوك وربط الحساب بالايميل ايضاً.

وكذلك ليس فيسبوك فقط بل جميع الحسابات الاخرى كالايميل، الواتس اب، الفايبر، تويتر ...الخ، وكل هذا علمود لا تقعون ضحية في الابتزاز الالكتروني من قبل ضعاف النفوس.

فمثلا احياناً نسافر او نترك الرقم القديم و نشتري رقم جديد و لكن نخلي الواتس اب وغيرها على نفس الرقم القديم من باب انه الناس تعرف هذا الرقم و لذلك نبقيه ولكن ايضا الي يصير لمن واحد يشتري خطك المتروك من جديد ويريد يفعل الواتس اب الي يصير انه يكدر يستعمل نفس حسابك لما يخلي الواتس اب على اعتبار انه عندك جهازين تستعمل نفس الرقم.

#تنتهي_ويانة
#it_ends_with_us
#Tech4Peace
#T4P