تحذير كما نشر من قبل Maitham Raheem

تحذير كما نشر من قبل Maitham Raheem

شباب شغلة كلش مهمة رجاءا ركزوا وياية…
اليوم رحت الهذه الشركة @@@@@ مسوين اعلان ممول بالفيس وكاتبين محتاجين كوادر هندسية وفنية
بس موقعهم ما ذاكرين وين صاير
المهم موقعهم صاير بشارع الربيعي يم@@@@@ العائلي من خابرت عالشركة طلعتلي موظفة ما گالتلي وين موقعهم بس گالت تعال الشارع الربيعي ومن توصل عود خابرني واني ادليك
المهم وصلت الشارع الربيعي خابرت وصفتلي المكان
يوم الوصلت لگيتها عمارة بالطابق الثاني عشرين واحد واگف ينتظر المقابلة والعمارة مليانة بوسترات مليانة
المهم دخلت مع الشباب وكعدت تسولف عن شركتهم تكول احنا الشركة الام متعاقدين مع 350 شركة عراقية واجنبية ?
المهم انطتنا قائمة بيها الاختصاصات الطالبينها طبعا اكث اختصاصات جان عنوانها الوظيفي غلط بس غلست المهم
كالت نريد مستمسكات اصلية ورسوم دفع 20 الف وانشالله بعد العيد تتعينون…
الشباب اباوع عليهم فرحانين مجرد امل وهمي انطتهم
بهالاثناء دخلت بنية گالت اريد ترجعين العشرين الف لانه ماكو فد ضمان بالموضوع
اني هنا انتهزت الفرصة ?
گلتلها ممكن دقيقة
گالت تفضل
گلتلها وين اكو شركة ام متعاقدة وية 350 شركة تطلب رسوم تسجيل 20 الف!!
هي گالت شنو تقصد
باوعت گلتلها شوفي عيني اني مشتغل بشركات وحاليا HSE Manager
وخبرة طويلة بهالموضوع
اضافة لذلك ماكو شركة تطلب الوثائق الاصلية جنسية وشهادة جنسية وبطاقة سكن گلتلها هاي من اريد اروح اجيب قنينة غاز اخذ الوثائق الاصلية
گلتلها الشركات ترة تطلب cv او resume
عاد هي ضاجت گالت شنو تجذبني احنا شركة اصلية وعدنا ختم
گلتلها عيوني اني اجيبلج ختم من المتنبي واجيبلج وثائق رب الاصلية
المهم هي ضاجت وگالت اطلع برة ما نسجلك ولا رح نسجلك،
اني ضحكت وباوعت عالشباب كلتلهم اذا مقتنعين ابقوا ?
وعينك متشوف عشرين نفر نزلوا وطلعوا وياية وبس اسمع عاشت ايدك
…
الحاصل يا شباب ترة ماكو شركة تطلب منك رسوم تسجيل ديروا بالكم اذا ما مشتغلين بشركات قبل
لحد ينخدع بهيج امور وهمية الشركة الي تريد تشغلك متطلب منك فلوس فدوة العينكم ركزوا وانشروا هذا الخبر واني مسؤول عن هالكلام

#تنتهي_ويانة
#it_ends_with_us
#Tech4Peace
#T4P

المصادر: في التعليقات