التقنية من اجل السلام
اخواننا وخواتنا المتظاهرين
اخواننا وخواتنا المتظاهرين
انتوا طالعين مظاهرة سلمية علمود حقوقكم مو طالعين علمود تشمرون حصي ودعابل على مكافحة الشغب!
اليوم احد الاشخاص استشهد وتهشم راسه بسبب مثل هاي الحالة!
ليش تنرفز المقابيلك!! وليش تخلي المقابيلك يشوف حجة عليك علمود يضربك!
يا اخوان وياخوات كل مرة نكرر انه المظاهرة يجب ان تكون سلمية حفاظا على حياتكم
واذا حياتك ما مهتم بيهة .. حاول تفكر باهلك .. احبائك .. اصدقائك .. اقربائك الي يحبوك.
رجاء رجاء اخوي..
#السلمية
#السلمية
#السلمية
وياقواتنا الامنية
عدم الرد على كلشي يصير لان هذولة طالعين علمودكم همينة علمود تعيش بكامل حقوقك بوطن مثل اي بلد لاخ
واجبكم هو حمايتهم
هذولة اخوانكم لو ولد عمكم ومو غريبين علمود تضربوهم والمفروض انتوا مدربين باحسن تدريب علمود عندكم قدرة احتمال كبيرة ووعي لهيج حالات.
*تنويه
الكلام اعلاه لايبرر او يشجع على استخدام العنف او الرد والقتل بصورة همجية لمجرد عمل مثل هذه الحركات ولكن تم نشره لتوعية ولضمان عدم حدوث حالات قتل فضيعة كالفيديو الذي نشر اليوم.
نتمنى تبقة المظاهرات #سلمية