راح نحچيلكم اليوم بالعامية عن اليوم وبارحة

راح نحچيلكم اليوم بالعامية عن اليوم وبارحة

هالصورة الي ظاهرة كدامكم صايرة عليهة مشكلة بالسوشال ميديا خلال هاليومين

تشوف التعليقات والمعارك بين العراقيين علمود هالصورة
ناس دكول قديمة وناس دكول جديدة وناس خلتهة صورة ببروفايلهة وناس دكول باليمن وناس دكول بالعراق وناس تسب وتشتم وناس تتعارك علمود هالصورة!

وصلتنا هالصورة اكثر من ٢٠٠ رسالة بالفيسبوك او انستكرام او ايميل او تويتر!

بنفس الوقت تعرفون شديصير؟

حسابات داعش دتزداد بكثرة خلال هالايام في مواقع التواصل الاجتماعي

اخواننا وخواتنا الاعزاء

ما نريد شي منكم بس التوعية ولا تسب اخوك او اختك لان انتوا عراقيين ودمكم ولحمكم واحد

عدونا واضح كدامكم وهو داعش

نتمنى استغلال وقتكم بالتبليغ على حساباتهم، نشكر بعض المتابعين لايصال روابط لنا لحسابات داعش وتم اغلاق اكثر من ١٠٠ حساب لحد الان

ولكن نتمنى ان تكون جهودنا واحدة لاغلاق حساباتهم الاخرى.