?و بازدياد حالات الكورونا بالعراق وانتشاره الوبائي اكيد راح تبدي حالات الكورونا تزداد عند الاطفال كنسبة وتناسب مجتمعي

?و بازدياد حالات الكورونا بالعراق وانتشاره الوبائي اكيد راح تبدي حالات الكورونا تزداد عند الاطفال كنسبة وتناسب مجتمعي

لحد الان
كورونا خفيف على الاطفال واقل تاثير واقل نسب وفيات.

اقل!
اي نعم اقل وراح اكتب عن نسب الوفيات بنهاية البوست.

❤اعراض الكورونا متنوعه جدا
بس بصورة عامة هي اخف عند الاطفال من الكبار حسب مركز السيطرة على الامراض الامريكي https://europepmc.org/article/MED/32271728

الاعراض هي:
حرارة
وسعال
وفقدان الشم
اسهال
قيء
طفح جلدي
تعب
وتستمر الاعراض عدا الحرارة اسبوعين.

بدراسة مهمة من مجلة pediatric
وجدوا ان ٩٠% من الاطفال اعراضهم خفيفة جدا
رابط المقال:
https://pediatrics.aappublications.org/content/pediatrics/early/2020/03/16/peds.2020-0702.full.pdf

?شنو تسوي اذا طلع او شكيت انه الطفل عنده اعراض؟
اعزل الطفل

ولا تنسى كمامة للطفل مهمة جدا ما دام عمره اكبر من سنتين من نراجع المستشفى.

❤شوكت نراجع المستشفى ؟
1. اذا الطفل يبدو متعب منهك.
2. اذا عمر الطفل اقل من ٣ اشهر وعنده حرارة اكثر من ٣٨.
3. اذا عمره بين ٣ الى ٦ اشهر وحرارته اكثر من ٣٩.
4. اذا طلع عنده طفح و حرارة.
5. اذا استمرت الحرارة اكثر من ٥ ايام.
6. اذا بدت علامات جفاف مثل قله الادرار.
7. الطفل عنده حرارة ما تنزل بخافض الحرارة.
8. ضيق التنفس.
9. فقدان وعي.
10. ازرقاق الشفة.
طبعا اكيد وياها تلامس مع حاله كانت عدها كورونا
المصدر :
https://www.nhs.uk/conditions/coronavirus-covid-19/symptoms/coronavirus-in-children/

?العلاج
ناكد على موضوع العزل المنزلي لمدة ١١ يوم من اول ايام الاعراض
واذا الطفل ما عنده اعراض قوية نكعد بالبيت
ونبدي ننطي الكثير من السوائل
وخوافض الحرارة
وبس

اذا الطفل يعاني من احدى النقاط من النقاط المذكورة العشرة اكيد يحتاج دخول مستشفى علمود الاوكسجين وعلاجات اخرى.
علماً كورونا فايروس ماله علاج لحد الان.

?نجي شويه نتفائل ونكول انه الاطفال اقل عرضة للاصابة بكورونا مو بس اقل اعراض
مثلا بدراسة نشروها مركز السيطرة على الامراض الامريكي لكوا انه من اصل ١٥٠ الف مصاب بكورونا اكو فقط ٢٥٠٠ مصاب طفل!!

وبدراسة كورية فقط ١% من المرضى كان عمرهم اقل من سنة!
https://europepmc.org/article/MED/32257774

?نجي شويه نخاف؟
على منو نخاف اكثر؟
على الاطفال اللي عمرهم اقل من سنة
يكونون اكثر عرضة لدخول المستشفى وللمضاعفات.

❤هل اكو وفيات بكورونا من الاطفال؟
طبعا اكو
بس النسبه بالكبار ٢٪ الى ٣%
بس للاطفال حسب دراسة اوربية هي اقل من ١%

بحيث من اصل 582 طفل توفى ٤ اطفال فقط ٢ منهم عدهم امراض مزمنة وكلهم اكبر من عمر ١٠ سنوات.
رابط الخبر على البي بي سي
https://www.bbc.com/news/health-53181525

?هل نطمئن جدا؟
بصراحه لا.

مع زيادة عدد الاصابات ممكن تزداد نسبه اصابات الاطفال وخصوصاً من يجي الشتاء والخريف القادم اذا استمر موضوع كورونا.

?و الحل؟
الوقايه خير من العلاج.

التباعد الاجتماعي
والكمامات
وغسل اليدين.

? ليش كتبت عن هذا الموضوع؟
حقيقة ان منظر الاطفال بالشارع مخزي لكل ام واب ليس لديهم وعي صحي.

تحقيق د. سيف سمير البياتي

#تنتهي_ويانة
#it_ends_with_us
#Tech4Peace
#T4P